Հիմնադրամի մասին
«Վերածնունդ» մշակութային և ինտելեկտուալ հիմնադրամը շահույթ չհետապնդող, ոչ առևտրային կազմակերպություն է։ 2013-ին ստեղծվել է «Ինտելեկտուալ Ռենեսանս» հիմնադրամը, 2014-ին՝ «Մշակութային Վերածնունդ»-ը։ 2017-ին երկու հիմնադրամները միավորվել են և այսօր շարունակում են գործել «Վերածնունդ» մշակութային և ինտելեկտուալ հիմնադրամ անունով։
Մեր գործունեությունը եվ արժեքները
«Վերածնունդ» մշակութային և ինտելեկտուալ հիմնադրամի առաքելությունն է վերադարձնել հային իր մշակութային ինքնությունը, պահպանել և փոխանցել հայկական մշակութային ժառանգությունը, հայկական արվեստը մատուցել և տարածել ժամանակակից ձևով ինքնությունը պահպանելու և հայկական մշակույթը, որպես համամարդկային արժեք ամրագրելու համար: Մեր հիմնական ուղղություններն են`
- Երաժշտություն
- Արվեստ
- Գրականություն
- Ճարտարապետություն
24
Քաղաք և համայնք
15
Իրականացված նախագիծ
200+
Կամավոր
Միություն
Մենք միավորում ենք հայերին մշակութային ինքնության և դրա գիտակցության շուրջ։ Հավատալով գործընկերության ուժին՝ սերտորեն գործակցում ենք այլ կազմակերպությունների և անհատների հետ։
Ազդեցություն
Մեր գործունեությունը նպատակաուղղված է մեծ ազդեցության ապահովմանը, որի հիմքում ամբողջ աշխարհում կայուն փոփոխության հասնելն է հայկական մշակույթի միջոցով:
Հարատևում
Մշակութային ժառանգությունը հնարավոր չէ պահպանել կարճ ժամանակով. այն պետք է լինի պաշտպանված, որ փոխանցվի ապագա սերունդներին: Այս նպատակին հասնելու համար հիմնադրամի նախագծերն ունեն տևական ազդեցություն և կայուն են երկարաժամկետ հեռանկարում:
Պատեհություն
Մշակութային ժառանգության պահպանման գործում մենք չենք սահմանափակվում միայն անցյալը հարգելով։ Հիմնադրամը հավատում է, որ հայ մշակույթը պետք է լինի արդիական և բովանդակալից այսօրվա սերնդին առավելագույն չափով ընկալելի լինելու համար։